專題探討

受訪/ Joffy, Kimberly, KuroTsun, On, Patrick, Regsli, Tyezy 整理/ 許桂珊

2020年12月01日
【__機|(一)趁機聽聽?——年輕人如何看「機」】

講打機,怎能不聽聽一眾年輕玩家的想法?

致力以線上平台接觸年輕人的機構「網.想.正.」為我們請來一班喜愛打機的年輕人,談談他們打機的習慣、捱罵時的感受,讓我們趁機聽聽,青少年怎樣看打機。


⏰你每星期/每日會花幾多時間打機?

  • 「真係好難計喎,每日5、6個鐘囉。」
  • 「吓,得閒就攞出嚟玩㗎啦。」
  • 「一日可能9個鐘囉,如果拉勻(一星期)嚟計。」
  • 「放假會玩足全日㗎。」
  • 「放假一起身就打機㗎喇,但返學就唔係。」

🕹🎮通常會用什麼裝置打機?手機?PlayStation? Xbox? Switch?

  • 「Why not all?因為我全部都有。」
  • 「如果可以嘅話,全部我都得㗎。」
  • 「我全部都要。」
  • 「之前就PS囉。」

🤕🤦‍♀️有無試過因為打機而畀屋企人話/罵?

  • 有啊!」
  • 「一定有㗎喎!」
  • 「經常性。」
  • 「日日都畀人鬧。」

🙊🙊打機嗰陣,屋企人會點樣話/罵你哋?

  • 吓,粗口嚟㗎喎。」
  • 「不外乎都係話要溫書做功課早啲瞓嗰啲囉。」
  • 「早啲瞓喇!12點喇!」
  • 「我對住部電腦,11點半嗰陣佢叫我早啲瞓,跟住响我隔籬煲劇煲到凌晨2點,我心諗,點樣早啲瞓呢?我都想瞓啊。」
  • 「恐嚇我話掟爛我部電腦囉。」
  • 「我屋企會抆電掣。」
  • 「畀心機讀書啦你中五喇,可唔可以考好個試啊?!」
  • 「我同我阿媽講:『你煲劇煲到兩點仲叫我早啲瞓?』佢話:『我第二朝唔使返工啊。』我就話:『我第二朝唔使返學啊。』點解你可以夜,我唔可以夜?你又係人,我又係人。」
  • 「吓,唔使話㗎,直接行過嚟踢爆電腦。之前我咪有部電腦畀人踢到咇咇聲,畫面黑晒。」
  • 「我屋企人無話過我嘅,最多係打機打得激動得滯,叫我細聲啲。」
  • 「X你老X,你肯瞓未啊XX!」
  • 「掉返轉,到我哋想瞓嘅時候,就係另一個世界。當你同佢講:『我想瞓啊。』佢就話:『唔好意思啊我煲緊劇,爭10分鐘。』我仲專登校埋鬧鐘,一響就叫佢熄,但佢都冇熄,最後睇咗足足半個幾鐘。」

 


🤔😎編輯訪談後記:

這是個吵吵鬧鬧的訪談,年輕人圍坐下來談打機,有人眉飛色舞連連答話,有人暗暗竊笑偶爾語出驚人,不按牌理出牌是青少年率性的證明,所以談不到三句又扯到別的話題上,你吐槽我,我取笑你,嘻嘻哈哈一輪後靜下來,啊,要答返問題。

筆者本身沒有打機的習慣,對打機比較陌生,也就特別想知道他們為什麼喜歡打機,曾想過可能是好玩?填補情感缺口?朋友玩所以玩?最後聽到的回答是「消磨時間囉」、「減壓囉」。等了半响,嬉笑打罵後幾回靜下來,還是這兩個答案。其實要是挖到底,那些猜想的理由也可能也是真的,不過,打機在這班年輕人的心目中就這樣純粹,太多意義理由什麼的,不必要。

訪談中也提到「課金」,許多遊戲只要付費就可「升呢」,是玩家的快速捷徑;即使幾個年輕人都覺得遊戲是「呃錢」的,但還是心甘情願掏出荷包,每月數百到一千元不等。你可能會想,打機要錢,可以選擇打波啊,不用錢,而且更健康。我們亦問過為什麼,然後又是一輪喧嘩:「打波要約人」、「要流汗」、「約人分分鐘遲到1-2 個鐘」、「又要有場」……條件這麼多,相形之下,打機可能只需要一部手機或遊戲機,有WiFi 或數據就可,連吹灰之力也不用。

談到被家人責備,更是一片沸沸揚揚——「經常被人話」、「一定有」、「日日都畀人鬧」,有人甚至搶先為身邊的人答話,形神逼真地還原被罵的聲線、字句、語氣。原因是打機時,大家都會開啟一款名為Discord 的通訊軟件,各家的聲音,在聊天室都被聽得一清二楚:這邊媽媽10 點就來催促收機去睡,那邊傳來憤怒的男聲問到底要打到幾時,中間還夾雜着粗口,另一邊發現有人突然斷線,後來才知曉原來是出絕招——拔電掣。

打機,讓彼此共患難——不論是遊戲中槍林彈雨的I got your back,或是現實裏被家人責難的斥喝批評。對他們來說,這是甘苦與共的相連,也是笑而不語的共鳴。

  • Share:

相關文章