( 編按: 此文乃根據突破輔導中心經理廖暉清早前接受香港電台第五台節目《奮發時刻》訪問而撮寫。)

問: 面對公開試，家長的角色是避風港還是壓力源？

答: 家長要明白，有時仔女個樣好像「唔緊唔緊咁」，其實仔女就係唔想表現緊張，害怕令到父母更擔心。

問:「 最能給予力量、最好的心理支援」又會是一句怎樣的話？

答:「 無論你考成點，我都會支持你。」畀一個擁抱或搭吓仔女的膊頭以示支持。

問: 萬一成績真的未如理想，學生很容易陷入「一試定生死」的絕望感。如何協助年青人去理解「分數」與「自我價值」的關係？

答: 要年輕人去理解「分數」與「自我價值」唔係必然掛勾係唔難，佢哋係知道嘅，但係最難的是在他們日常生活中是否真的讓他們體驗到別人（包括老師、父母、親戚、同學、朋友）真係無用分數去評價佢哋，會欣賞佢哋品格多過成績。

呢個係公眾的教育及感染，是需要大眾一齊去共建，無論在學校或職場，會唔會因為成績差或學歷低而無視人，甚至欺凌人。今次放榜家長都不妨讓子女體驗到佢哋嘅價值並非與分數掛勾，無論仔女最後出的成績如何，家長都可以與仔女安排外出食餐好，或做仔女喜歡的事。

適逢大部份的學生都踏入18 歲，其實都值得有儀式感地去慶祝他們正式完成青少年中學的階段，令仔女感到家長是真的着緊自己的成長，而並非因為他們考得好唔好而得到呢份重視。這會讓他們感到被重視和被看見，從而建立自我價值。

問: 面對計劃趕不上變化的打擊，考生如何建立心理韌性，接受不完美，並將挫折轉化為重新出發的動力？

答: 若成續不如理想，也是成長中其中一個心理挑戰，就是學習面對事情的不完美和不似如期。DSE 放榜只是一個開始，未來人生路是會偶然遇到不如意的事情，誠實及勇敢去面對、承認和接納這些不如意的景況，即使大喊一場，都是表達失望的真實反應，係對自己誠實的一種表達。

 喊出嚟反而會健康啲，然後再平伏心情作出應變。這會訓練出人的心理韌性及彈性，幫助將來成長面對不同的挑戰，DSE放榜是心理韌力訓練的開始。

問: 想請嘉賓對所有默默努力至今的應屆DSE考生和家長，說幾句勉勵、打氣的話。

答: 無論考成點，都要多謝自己努力付出過！完成DSE 是人生階段另一個新的開始，預備踏入成年，嘗試帶着好奇及期待去迎接呢場探索的人生旅程。